Son zamanlar instagram və Facebook reklamlarında problemlər artmaqdadır. Bəzən əsaslı bəzən isə çox əsassız səbəblərdən reklamlarınız dayana və reklam hesabınız bağlana (kısıtlana) bilər. Reklam isə istər kiçik, istər böyük şirkətlərin gəlir mənbəyidir. Bəs bu tip hallarda reklamınızın davam etməsi üçün nə etməlisiniz?
1. İlkin olaraq instagramda səhifənizin ayarlarına daxil olub reklam ödəmələri-ödəmə ayarlarından borcunuzun olub-olmadığına baxa bilərsiz.
2. Daha sonra reklamınız niyə dayandırıldığını, hansı META qaydalarını pozduğunu dəqiqləşdirməyə çalışın. Bununun üçün siz Səhifənizin bağlı olduğu Facebook hesabından Facebook Ads Manager-ə giriş etməlisiniz.
3. Əgər reklam borcunuz varsa, ilkin olaraq borcunuzu ödəyin və proseslərə davam edin.
Ən çox istifadə edilən həllərdən:
4. Həll 1: Əgər reklam hesabınız birdəfəlik bağlanmayıbsa (Bu adətən çox ciddi qayda pozuntusunda olur) Facebook tərəfindən hesabınıza baxması üçün ADS manager-də “Dəyərləndirmə” istəyə bilərsiniz. Bu zaman səhifə admininin şəxsiyyət vəsiqəsi lazım ola bilər. Normalda 48 saatdan daha tez cavab gəlir. Əgər dəyərləndirmə lehinizə qəbul edilsə, hər hansı problem aşkarlanmasa, səhifənizdə reklamlara davam edə bilərsiniz.
5. Həll 2: Borcunuz var idisə, onu ödədikdən sonra instagramda Hesablar Mərkəzinə daxil olub, instagram səhifənizin hansı facebook profilinə bağlı olduğuna baxın. Daha sonra Hesablar Mərkəzindən həmin facebook profilini silin. Və yeni facebook hesabı yaradıb, Hesablar Mərkəzindən əlavə edin.
Bəzi tövsiyələr:
1. Səhifələrdə admin kimi original profil istifadə edin. Reklam hesabı üçün nə qədər köhnə facebook profili olsa, o qədər təhlükəsiz olar.
2. Facebook səhifəsində bir neçə adminin olması yaxşıdır və gələcəkdə hər hansı reklam probleminə görə adminin ad, soyadı Şəxsiyyət vəsiqəsinə uyğun olmalıdır.
3. Reklamlarla bağlı Support/ Dəstək komandası ilə əlaqəyə keçməyə çalışın.
